Die Basler Eule
Kinder und Jugendliche schreiben
Nina Hurni (*2000) wuchs in Bern auf und fabulierte schon von früh an Geschichten vor sich hin. Zweimal durfte sie als Jugendliche an der Schreibzeit Schweiz teilnehmen und 2020 gewann ihr Stück «Mau luege Schätzi» den ersten Platz im Drama-Förderprogramm «Schreibstoff» des Theaters an der Effingerstrasse. Sie lebt und studiert in Basel.
d ärde isch ä schwamm mit tuusig löcher wo wasser usefliesst
und ig o
i lege socke aa wo gd wider nass wärde
i stah uf und lige n ab
d ärde isch ä schwamm mit tuusig löcher wo wasser usefliesst
und ig o
i bi weich
i drücke mi us
u z papiir wird nass
i bin ä blueme
zerpflückt
i liebe di
i liebe di nid
i liebe di
i liebe di nid
d stadt isch ä see
u dr hügu ä fluss
schnägge schliirgge übere baukontisch
d ärde isch ä schwamm
wasser i mire wonig
wo söu ds hii
z papiir wird nass
u aues verschmiert
ä trüebi suppe um mi ume
i erkläre mi u
es klärt sech uf
i bi wasser u bi ging scho wasser gsy
i löse mi uf
fliesse us mine ouge use i mini wonig
ä barsch seit hallo
i grüesse nid zrügg
© Die Basler Eule 2023. Die Textrechte liegen bei den Urheber:innen. Diese Website bemüht sich, Accessibility-Richtlinien zu erfüllen.
Design: Soraya Koefer & Timo Rick | Impressum & Datenschutz
Um die bestmögliche Browsing-Erfahrung zu bieten, nutzen wir Cookies. Die mit Hilfe von Cookies gesammelten Daten werden ausschliesslich zur Optimierung unserer Webseite genutzt. Weitere Informationen siehe Datenschutz.